THE GUARDIAN

The Guardian ta un di e corantnan mas serio y prestigioso na Inglatera. E ta un di e lidernan riba tereno di ‘crowdsourcing’ den periodismo, esta haci uzo di bo publico pa skirbi storia. Na 2009 The Guardian a cuminsa cu e proyecto ‘Controla e gastonan di bo politiconan’ na unda e corant a pidi e declarashonnan di gasto di parlamentario y a pone nan ‘on line’. Publico por a pasa dor di e declarashonnan di gasto y por a indica cua di nan tawata sospechoso. Bastante storia grandi tawata e resultado.

E ultimo añanan The Guardian a hinca hopi energia y a dedica hopi atenshon na consecuencia di cambio di clima, como cu esaki ta forma e menasa principal pa humanidad. E ekipo cientifico di e corant a publica articulo excelente tocante cambio den nos atmosfera, e oceanonan, capa di ijs, selva, alimento, rif di coral y especie. E articulonan aki ta accesibel pa un y tur.